...×× "قالت تعال آشوفكـ بمطعم قيصر" ××...

03-01-2008, 07:03 PM

...×× "قالت تعال آشوفكـ بمطعم قيصر" ××...

أترككم مع الرائعه ^_*

ليلة لقاء صارت بلا ميعادي=صدفه كــذا في ليـل جـوّه هــادي
سمعـت جـوالي برنّـة خلي=نغمه تخــص الترف نبـض فـؤادي
فزيــت للجوال عقلي طايـر=مـن الفــرح خليــت حتــى زادي
رصيت (سند) بسرعة الطياره=تقول صـوت (الميـغ) وسـط الـوادي
مشتاق للغالي ونبـرة صوته=شــوق الأسيــر لشوفــة الأولادي
قلت: أرحبي ثم أرحبي ياعمري=فديــت صوتـك قلتهـا لــك بـادي
ترحيبـةٍ مـا مثلها ترحيبـه=أعـداد بــرق المــزن والرعّـادي
قالت: الو وينك عساك قريّب=قلـت:أرحبـي.. لبـا الغــزال الشادي
قالت: حبيبي وش بلاك تهايط =خـــل المهايــط حولـي النقــادي
جاوب سؤالي بأختصار وسرعه= والمـدح خلّــه لا شربــت قنـادي
قلت:العفو موجود يا المحبوبه= جالـــس وقدمــي دلّــه وبـرادي
أسـوق فنجـالٍ بثـر فنجالي= وأقلّـــب التلفــاز عقــب الـرادي
فاضـي بيديني سبحتي معقوده =وحيـــد نفســي عايفــه مقعـادي
قالت: مدام أنك وحيد وفاضـي= والفـكر رايـــق والغــرام جهـادي
تعال بشوفك بمطعــم قيصر= وإلا بمطعــم كنـــا لـــه روادي
مشتاقه أسمع هرجك الرومنسي =يا فيلســوف الشعـر ما أنتــه عادي
غلاك أرضـي والجيوش أحساسي= معسكـر الأشــواق فيــه أسنــادي
ساعة غلا تسـوى كنوز العالم =تشــرح صــدورٍ ضيقهــا يـزدادي
قلت: أبشري ساعة وجيلك كلّـي =حتيـش لـو دونــك سيـوف حـدادي
العمر فرصـه يغتنمها عاقـل= واللـــي يطوّفــها سفيــهٍ غــادي
لبست غتـره ماركـة(جفنشي)=وعقــال (مرعــز) فوقهــا متحـادي
كن العلاقة بينهم مـن مبطـي= يعنـي أنسجـام ومـاش فيــه عنـادي
ودشداشتي صوف(أنجليزي) فاخر=مـن عنـد (كاكولـي) يبــاع أوكـادي
ماهوب(كشميري)و(صيني) سكّه=اللــي بعـد لبســه وغسلـه بـــادي
(الأنجليزي) ملبس أهل الهيبـه =ملــوك وشيــوخٍ وقـــوم أسيــادي
لبستهـا والعطـر فيهـا فايح=(دنهــل) مـع خلطــة (جنيــد) أجدادي
و(العود) بالغـتره مسوّي ثوره =تقـــول قصــف أمريكــي لبغــدادي
يعني مدخّـن مطيـبه يازينـه=ريحـــه يـرد الــروح يـا الأجــوادي
مدفوع كاش بقيمـة في سوقه= ماهــوب مثـل اللـي يبــاع أقصـادي
مير المهم دقّيــت سلف الموتر= مركــب شـــيوخ تقـود مـا تنقــادي
(مرسيدس 500 )جدي،د ألمانـي=(أس أل) كامـــــل وردوه أبــلادي
(حوت أبيضٍ) يسحرك في نظراته=أنـا اشهـد اللـي صمّمــه بـه جــادي
سريت للغـالي مشخّص حـدي =كنـــي امـير بـــلاد مــن ميـلادي
طربان مع جرّت (محمد عبـدو) =(جيتـــك حبيبـــي) والغـلا وقّــادي
وصـلت للمطعـم قبل موعدنا =لأن الكبايـــن حجـــــز للمقعــادي
أخاف ما القى وأبتلش بالطلعه =الوضــع حامــي والكســل مافــادي
حجزت لي وحده صراحه لئطه=بالزاويـــه .. مايزعــجك نشـــادي
لو يصعب الماقف أمورك سهله=مبعــد عــن الواشيــن والحســـادي
جسلت فيها والغـلا يلعب بـي=مشتــاق مـــوت لغايتــي ومــرادي
قعدت أناظر ساعتى واحسّـب=مثــل (العجيــري) عالـم الارصــادي
اشوى والا صوت مشيٍ جانـي=دلـــع تغنّـــج تسحـر الأشهـــادي
مشيت (برنسيسه) ترف وأناقه=سلّــم موسيقــي يطــرب القصــادي
وقف على باب (الكبينه) هادي=طقّــه وقلــت اتفضلــي يــا ودادي
غمضت عيني والفرح يغمرني=مشاعــري جمهــور واهيـا النــادي
دشت ودهن العود فايح ريحه=ميــر البــلا بالصــوت كنـي غــادي
فتّحت عيني شفـت شيِ ثاني=أمــي علــى راسي تصيــح تنــادي..!!
يا امك ذبحك النوم غسل وجهك=العصــر يــذن قـوم بـس رقتــادي...!!
فــزيت عقلي خاربه برمجته=كــــن اليديــــن مكبّلـه بأصفـادي
كنت أحسب انى قيس عاشق ليلى=وإلا كمـــا عبلــه و(ابـن شـــدادي)
اثريه حلمن زارني في نومــي=يا الله عســى ذا الحلــم ماينعـــادي
توني عرفت الحب نار وجنــه=تصيـــد مــره ميــر غصب تصتـادي
ليت الغلا له محكمه شرعــيه=بيــن الحبايــب مايصيــر ابعـــادي
الوصل نعمه والفــراق مصيبه=هــم وعـــذاب وعلـــت الاكبــادي
هــذي قوافي صغتها بالموقف=واختامها مســك وعبيـــر وكـــادي

خالد بن سكران :{__}:

المصدر: منتديات زحف وهسترهـ - من قسم: قصايد من ذهب

>>>OO "rhgj juhg Na,t;J fl'ul rdwv" OO>>>

03-02-2008, 03:32 AM

اقتباس:

فتّحت عيني شفـت شيِ ثاني=أمــي علــى راسي تصيــح تنــادي..!!
يا امك ذبحك النوم غسل وجهك=العصــر يــذن قـوم بـس رقتــادي...!!

ههههههههههههههههههههه

يا حراام طلع حــــــــــلمـ ...

تسلم ايدكـ بنوته ع القصيده ...

يعطيكـ العاافيهـ ...

03-02-2008, 05:34 AM

الوصل نعمه والفــراق مصيبه=هــم وعـــذاب وعلـــت الاكبــادي

صح لســان كاتبها

والف شكر لك خيتوو على هالنقل الح ــــلووو

سلمتي

03-02-2008, 06:40 PM

اقتباس:

لبست غتـره ماركـة(جفنشي)=وعقــال (مرعــز) فوقهــا متحـادي
كن العلاقة بينهم مـن مبطـي= يعنـي أنسجـام ومـاش فيــه عنـادي
ودشداشتي صوف(أنجليزي) فاخر=مـن عنـد (كاكولـي) يبــاع أوكـادي
ماهوب(كشميري)و(صيني) سكّه=اللــي بعـد لبســه وغسلـه بـــادي
(الأنجليزي) ملبس أهل الهيبـه =ملــوك وشيــوخٍ وقـــوم أسيــادي
لبستهـا والعطـر فيهـا فايح=(دنهــل) مـع خلطــة (جنيــد) أجدادي
و(العود) بالغـتره مسوّي ثوره =تقـــول قصــف أمريكــي لبغــدادي
يعني مدخّـن مطيـبه يازينـه=ريحـــه يـرد الــروح يـا الأجــوادي
مدفوع كاش بقيمـة في سوقه= ماهــوب مثـل اللـي يبــاع أقصـادي
مير المهم دقّيــت سلف الموتر= مركــب شـــيوخ تقـود مـا تنقــادي
(مرسيدس 500 )جدي،د ألمانـي=(أس أل) كامـــــل وردوه أبــلادي
(حوت أبيضٍ) يسحرك في نظراته=أنـا اشهـد اللـي صمّمــه بـه جــادي
سريت للغـالي مشخّص حـدي =كنـــي امـير بـــلاد مــن ميـلادي

>>>ودي اصفقه ..ابوووك يالهياااط
هههههههههههههههههههههههههههههه

القصيده روووعه تصوير مابو ازين منووه

بنت الذيب

لاعدمنااااااك ياشيخه على هالجمااال والذوووق

03-02-2008, 08:44 PM

./.

اقتباس:

غلاك أرضـي والجيوش أحساسي= معسكـر الأشــواق فيــه أسنــادي

.\.

بـيت ورٍبي رٍوعـه فـيه كـم تشـبيـه ، خققأإن

مـن جـد إسم عـلىآ مـسمىآ [ سـكرأإن ]

ثـإنكس ع ـآلنـقل بـنوٍتـه ، وتسسسسسـلم يـمين نآقـلهأإ وكـآتبهأإْ

03-03-2008, 02:30 PM

وااااااااااااااااااااااااااااااااااااااااااااااااا ااوكـــ

فضيـــعــــه فضيــعــــه فزيعه >>غيرت يعني :d.... بس اااااخ تحمســت اثـره طلعـ حلمـ قههههر

قلت: أرحبي ثم أرحبي ياعمري=فديــت صوتـك قلتهـا لــك بـادي >>ابوكـ يالهيـاط خخخخخ

قمـة القهـر هنـــااا

فتّحت عيني شفـت شيِ ثاني=أمــي علــى راسي تصيــح تنــادي..!!
يا امك ذبحك النوم غسل وجهك=العصــر يــذن قـوم بـس رقتــادي...!!

رائـع ماصورتيـه لناااا ..مبدعـه دائما بأختيـارك
سلمت لنا ذائقتكــ ودمتي لنـا

ارق التحاياا

03-05-2008, 06:37 AM

الوصل نعمه والفــراق مصيبه=هــم وعـــذاب وعلـــت الاكبــادي

قصيده جازت لي حيييل

تسلمين بنت الذيب

03-05-2008, 07:05 PM

هلا بكم يا الغوالي اسعدني تواجدكم وتواصلكم لا عدمتكم ^_^

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

إعلانات زحف هستريا

الإهداءات